ಮೊಗಾಳ್ ಫಿರ್ಗಜ್‍ಗಾರಾಂಕ್ ನವ್ಯಾ ವರ್ಸಾಚೆ ಶುಭಾಷಯ್.
ಗೆಲೆತ್ಯಾ ವರ್ಸಾಂತ್ ಆಮ್ಚೆ ಸಂಗಿಂ ಆಸ್‍ಲ್ಲಿಂ ಹ್ಯಾ ವರ್ಸಾ ಆಮ್ಚೆಸಂಗಿಂ ನಾಂತ್. ಆನಿ ಹ್ಯಾ ವರ್ಸಾ ಆಮ್ಚೆ ಸಂಗಿಂ ಆಸಾತ್ ತಿಂ ಆನಿ ಅಮಿ ಕಿತ್ಲಿ ಜಣಾಂ ಯೆಂವ್ಚಾ ವರ್ಸಾ ಆಸ್ತಾಂವ್ ತೆಂ ಅಮ್ಕಾಂ ಕಳಿತ್ ನಾಂ. ಪೂಣ್ ದೆವಾನ್ ಆಮ್ಕಾಂ ದಿಲ್ಲೆಂ ಹೆ ವರಸ್ ಆಮಿ ಕಶೆಂ ಉಪೆÇ್ಯೀಗ್ ಕರ್ತಾಂವ್ ತೆಂ ಚಡ್ ಗರ್ಜೆಚೆಂ. ಸಗ್ಳೆಂ ವರಸ್ ಏಕ್‍ಚ್ಚ್ ಪಾವ್ಟಿಂ ಮೆಳೊಂಕೀ ಮೆಳನಾಂ ಆನಿ ಸಗ್ಳೆಂ ವರಸ್ ಏಕ್‍ಚ್ಚ್ ಪಾವ್ಟಿಂ ನಪಂಯ್ಚ್‍ಯೀ ಜಾಯ್ನಾ. ವರ್ಸಾಚೆ ಹರ್ಯೆಕ್ ದೀಸ್ ಉಪಯುಕ್ತ್ ರೀತಿನ್ ಜಿಯೆಲ್ಲೆ ವರ್ವಿಂ ಸಗ್ಳೆಂ ವರಸ್ ದೆವಾಕ್ ಮೆಚ್ವೊಂಚಿ ಕಾಣಿಕ್ ಜಾವ್ನ್ ಭೆಟೊಂವ್ಕ್ ಸಕ್ತಾಂವ್.
ಆಮ್ಚಾ ಫಿರ್ಗಜಿಕ್ ಏಕ್ ವೆಬ್‍ಸೈಟ್ ಆಸಾ. ಆಮ್ಚಾ ಫಿರ್ಗಜಿಂತ್ ಜಾಲ್ಲಿಂ ಕಾರ್ಯಕ್ರಮಾಂ ಎಕ್‍ಚ್ಚ್ ವರ್ದೆ ರುಪಾರ್ ಯಾ ತಸ್ವೀರ್ ಯಾ ವಿಡಿಯೊ ರುಪಾರ್ ಆಮ್ಕಾಂ ಹ್ಯಾ ವೆಬ್‍ಸೈಟಿರ್ ಪಳೆಂವ್ಕ್ ಮೆಳ್ತಾತ್. ಆಮ್ಚಾ ಫುರ್ಸತೆ ಪರ್ಮಾಣೆಂ ಕೆದಾಳಾಯಿ ಆಮ್ಕಾಂ ತಿಂ ಪಳೆವ್ಯೆತಾ. ಹಿ ವೆಬ್‍ಸೈಟ್ ಚಡ್ ಉಪ್ಕಾರಾಚಿ ಜಾಂವ್ಚಾ ಖಾತಿರ್ ಆಮಿ ಥೊಡ್ಯೊ ಸಂಗ್ತಿಂ ಕುಡ್ಸಿಲ್ಯಾತ್. ಕಾಮಾ ವಿಶ್ಯಾಂತ್ ಮಾಹೆತ್, ವೆವೆಗ್ಳಿಂ ಸ್ಕಾಲರ್‍ಶಿಪ್, ಸೌಲತ್ಯೊ, ಸೈರಿಕೊ ಅಸಲಿ ಮಾಹೆತ್ ಹ್ಯಾ ವೆಬ್‍ಸೈಟಿರ್ ಫಾಯ್ಸ್ ಕರ್ತೆಲ್ಯಾಂವ್. ದೆಖುನ್ ವೆಬ್‍ಸೈಟ್ ಪಳೆತೆ ರಾವಾ ಆನಿ ಹಾಂತು ಥಾವ್ನ್ ಫಾಯ್ದೊ ಜೊಡ್ಚೆಂ ಪ್ರಯತನ್ ಕರಾ. ತುಮ್ಕಾ ಕಳಿತ್ ಆಸ್‍ಲ್ಲಿ ಮಾಹೆತ್ ಆಮ್ಕಾ ಪಾಶಾರ್ ಕರಾ ಆನಿ ಆಮಿ ತಿ ವೆಬ್‍ಸೈಟಿರ್ ಪ್ರಸಾರ್ ಕರ್ತಾಂವ್. ಕೊಣಾಕ್ ತರೀ ತಿ ಮಾಹೆತ್ ಉಪ್ಕಾರಾಕ್ ಪಡ್ತೆಲಿ.
-ಬೊ| ಮಾ| ಒನಿಲ್ ಸೋಜ್
ವಿಗಾರ್, ಕೊರ್ಪುಸ್ ಕ್ರಿಸ್ತಿ ಫಿರ್ಗಜ್ ಮೂಡಬಿದ್ರೆ.
