ಇನ್ಸ್ಪೆಕ್ಟರ್ ಸಂದೇಶ್ ಪಿಜಿ ಹಾಂಕಾಂ ಮಾನ್ ಅರ್ಪಣ್

ವರ್ಧಿ; ಎ. ರೊನಾಲ್ಡ್ ಸೆರಾವೋ

ತಾ. 1.9.2024 ವೆರ್ ಆಯ್ತಾರಾ ದಿಸಾ ಸಕಾಳಿಂಚ್ಯಾ ಮಿಸಾ ಉಪ್ರಾಂತ್ ಮರಿಯೆಚೆಂ ನೊವೆನ್ ಸಂಪ್ತಚ್, ಮಾನೇಸ್ತ್ ಸಂದೇಶ್ ಪಿ ಜಿ, ಮೂಡಬಿದ್ರಿ ಪೊಲೀಸ್ ಠಾಣ್ಯಾಚೆ ಇನ್ಸ್ಪೆಕ್ಟರ್ ಹಾಂಕಾಂ, ತಾಂಚ್ಯಾ ಅಪ್ರತಿಮ್ ಸೆವೆ ಖಾತಿರ್, ಮುಖೇಲ್ ಮಂತ್ರಿ ಭಾಂಗಾರಾಚೆ ಪದಕ್ ಲಾಭ್ಲೆಲ್ಯಾ ಸಂದರ್ಭಾರ್, ಕೊರ್ಪುಸ್ ಕ್ರಿಸ್ತಿ ಪಿರ್ಗಜ್, ಮೂಡಬಿದ್ರಿ ತರ್ಫೆನ್ ಪಿರ್ಗಜ್ ವಿಗಾರ್ ಬೊ|ಮಾ|ಬಾ| ಒನಿಲ್ ಡಿ‌ಸೋಜಾ ತಶೆಂಚ್ ಪಿರ್ಗಜೆಚಿ ಕಾರ್ಯಾಕಾರಿ ಸಮಿತಿ ಸವೆಂ ಮಾನ್ ಅರ್ಪಣ್ ಕೆಲೊ.

ಪಿರ್ಗಜ್ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಮಾನೇಸ್ತ್ ನೋರ್ಬರ್ಟ್ ಮಾರ್ಟಿಸ್ ಹಾಣಿಂ ವ್ಯಕ್ತಿ ಪರಿಚಯ್ ತಶೆಂಚ್ ಮಾನ್ ಪಾಟಂವ್ಚೊ ಉದ್ದೇಶ್ ತಿಳ್ಸಿಲೊ. ಪಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾದ್ಯಕ್ಷ್ ಮಾನೇಸ್ತ್ ವಿನ್ಸೆಂಟ್ ಡಿ ಸೋಜಾ, 21 ಆಯೋಗಾಂಚಿ ಸಂಯೋಜಕಿ ಮಾನೇಸ್ತೀಣ್ ಸೆಲಿನ್ ಡಿ‌ ಸೋಜಾ, ಕಥೊಲಿಕ್ ಸಭಾ ಘಟಕ್ ಅದ್ಯಕ್ಷ್ ರೊನಾಲ್ಡ್ ಸೆರಾವೊ ಸವೆಂ ಪಿರ್ಗಜ್ಗಾರಾಂ ಹಾಜರ್ ಆಸ್ ಲ್ಲಿಂ.