ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.), ಘಟಕ್ ಮೂಡಬಿದ್ರಿ-ಪ್ರತಿಭಾ ಪುರಸ್ಕಾರ್

ತಾ. 4.6.2023 ವೆರ್ ಸಕಾಳಿಂಚ್ಯಾ 8.45 ವರಾರ್, ಕಾಪಿ ಪಳಾರಾ ಸವೆಂ, ಪಿರ್ಗಜೆಚ್ಯಾ ಸಭಾ ಸಾಲಾಂತ್ ಪಿರ್ಗಜೆಂತ್ಲ್ಯಾ SSLC ಆನಿಂ PUC ಚ್ಯಾ ಭುರ್ಗ್ಯಾಂಕ್, *" ಪ್ರತಿಭಾ ಪುರಸ್ಕಾರ್ "* ಕಾರ್ಯಕ್ರಮ್ ಕಥೊಲಿಕ್ ಸಭಾ ಘಟಕಾಚ್ಯಾ ಮುಖೇಲ್ಪಣಾಖಾಲ್ ಮಾಂಡುನ್ ಹಾಡ್ಲೆಂ. 23 ಭುರ್ಗಿಂ, ತಶೆಂಚ್ಚ್ ತಾಂಚಿಂ ಅವಯ್ ಬಾಪಯ್ ಹ್ಯಾ ಕಾರ್ಯಕ್ರಮಾಕ್ ಹಾಜರ್ ಆಸೊನ್, ಸುಮಾರ್ 75 ಸಾಂದೆ ಹಾಜರ್ ಆಸ್ ಲ್ಲೆ.

ಹ್ಯಾ ಕಾರ್ಯಾಕ್ ಮುಖೇಲ್ ಸಯ್ರೆ ಜಾವ್ನ್, ಪಿರ್ಗಜ್ ವಿಗಾರ್ ತಶೆಂಚ್ ಕ.ಸಭಾ ಘಟಕಾಚೆ ಆತ್ಮೀಕ್ ನಿರ್ದೇಶಕ್ ಬೊ|ಮಾ| ಬಾ| ಒನಿಲ್ ಡಿ ಸೋಜಾ, ಪಿರ್ಗಜ್ ಗೊ. ಪರಿಷದ್ ಉಪಾದ್ಯಕ್ಷ್ ಶ್ರೀ ವಿನ್ಸೆಂಟ್ ಡಿಸೋಜಾ, ಕಾ. ಶ್ರೀ ನೋರ್ಬರ್ಟ್ ಮಾರ್ಟಿಸ್, ಸಂಯೋಜಕಿ ಶ್ರೀಮತಿ ಸೆಲಿನ್ ಡಿ ಸೋಜಾ, ಕ.ಸ.ಘಟಕ್ ಅದ್ಯಕ್ಷ್ ಶ್ರೀ ಹೆರಿ ರೇಗೊ, ನಿಕಟ್ ಪೂರ್ವ್ ಅದ್ಯಕ್ಷಿಣ್ ಗ್ರೇಸಿ ಲಸ್ರಾದೊ, ಕಾರ್ಯದರ್ಶಿ ರೊನಾಲ್ಡ್ ಸೆರಾವೊ ವೇದಿರ್ ಹಾಜರ್ ಆಸ್ ಲ್ಲೆ.

ಸುರ್ವಿಲ್ಯಾ ಮಾಗ್ಣ್ಯಾ ಸವೆಂ ಕಾರ್ಯಕ್ರಮ್ ಆರಂಭ್ ಕರುನ್, ಕ.ಸಭಾ ಘಟಕ್ ಅದ್ಯಕ್ಷ್ ಶ್ರೀ ಹೆರಿ ರೇಗೊನ್ ಸ್ವಾಗತ್ ಕರ್ತಚ್, ಕಾರ್ಯದರ್ಶಿ ರೊನಾಲ್ಡ್ ಸೆರಾವೊನ್ ಮಾನ್ ಅಪ್ಣಾಂವ್ಚ್ಯಾ ಭುರ್ಗ್ಯಾಂಚೊ ವಿವರ್ ದಿವುನ್, ಪಯ್ಲೆಂ ಪಿರ್ಗಜೆಂತ್ ಚಡಿತ್ ಅಂಕ್ ಅಪ್ಣಾಯ್ಲೆಲ್ಯಾ Rohith Damien Pereira (Com) ಅನಿಂ Rezel Viola Rodrigues (SSLC) ಹಾಂಕಾಂ ಸನ್ಮಾನ್ ಕೆಲೊ.

ಉಪ್ರಾಂತ್ ಪಯ್ಲೆಂ ಅನಿಂ ದುಸ್ರೆಂ ಸ್ಥಾನ್ ಅಪ್ಣಾಯ್ಲೆಲ್ಯಾ ಭುರ್ಗ್ಯಾಂಕ್ ಮಾನ್ ಕರುನ್, ಉಪ್ರಾಂತ್ ಹೆರ್ ಭುರ್ಗ್ಯಾಂಕೀ ಮಾನ್ ಪಾಟಯ್ಲೊ. ಹ್ಯಾ 23 ಭುರ್ಗ್ಯಾಂ ಪಯ್ಕಿ, ರೋಹಿತ್ ಡ್ಯಾಮಿಯೆನ್ ಪಿರೇರಾನ್ ತಾಚಿಂ ಭಗ್ಣಾಂ ಉಚಾರ್ಲಿಂ.

ನಿಮಾಣೆಂ ವಿಗಾರ್ ಬಾಪಾನಿಂ ಭುರ್ಗ್ಯಾಂಕ್ ತಶೆಂಚ್ ತಾಂಚ್ಯಾ ಅವಯ್ ಬಾಪಾಂಯ್ಕ್ ಶಾಭಾಸ್ಕಿ ಪಾಟವ್ನ್ ತಾಂಕಾಂ ಬೊರೆಂ ಮಾಗ್ಲೆಂ.

ಸಹ ಕಾರ್ಯದರ್ಶಿ ಶ್ರೀ ಕ್ಲಿಪರ್ಡ್ ಡಿ ಕೋಸ್ತಾಚ್ಯಾ ದನ್ಯವಾದಾ ಸವೆಂ, ನಿಮಾಣೆಂ ಗೀತಾ ದ್ವಾರಿಂ ಕಾರ್ಯಕ್ರಮ್ ಸಂಪಯ್ಲೆಂ.

ಕಾರ್ಯೆಂ ನಿರ್ವಹಣ್ ಶ್ರೀ ಆಲ್ಡ್ರಿನ್ ಪೆರ್ನಾಂಡಿಸ್ ಹಾಣೆಂ ಚಲವ್ನ್ ವೆಲೆಂ.