ಕೊರ್ಪುಸ್ ಕ್ರಿಸ್ತಿ ಫಿರ್ಗಜ್ - ಅರ್ಗಾಂ ಹೊಗ್ಳಾಪ್,ಆರಾಧಾನಾಚೆಂ ಭಕ್ತಿಪಣ್

07-10-2023 ವೆರ್ ಸನ್ವಾರಾ ಸಾಂಜೆರ್ ಮಿಸಾ ಉಪ್ರಾಂತ್ 6.00 ವರಾಂ ಥಾವ್ನ್ 9.00 ವರಾಂ ಪರ್ಯಾಂತ್ ಕೊರ್ಪುಸ್ ಕ್ರಿಸ್ತಿ ಇಗರ್ಜೆಂತ್ ಅರ್ಗಾಂ ಹೊಗ್ಳಾಪ್ ಆರಾಧಾನಾಚೆಂ ಭಕ್ತಿಕ್ ಕಾರ್ಯಕ್ರಮ್ ಚಲ್ಲೆಂ.

ಆರಂಭಾರ್ ಏಕ್ ಘಂಟೊ ಬ್ರದರ್ ಎಲಿಯಾಸ್ ಆನಿ ತಾಚಾ ಪಂಗ್ಡಾನ್ ಅರ್ಗಾಂ ಹೊಗ್ಳಾಪ್ ಚಲವ್ನ್ ವೆಲೆಂ. ಉಪ್ರಾಂತ್ ಮಾ| ಬಾ| ಮೆಲ್ವಿನ್ ನೊರೊನ್ಹಾ ಹಾಣಿಂ ದೆವಾಚೆಂ ಉತರ್ ವಾಚುನ್ ಜಾತಚ್, ರೊಜಾರಿ ಮಾಯೆಚ್ಯಾ ಫೆಸ್ತಾಚ್ಯಾ ಸಂದರ್ಭಾರ್ ಕೊಂತಾಚ್ಯಾ ಆನಿ ತೇರ್ಸಾಚ್ಯಾ ಭಕ್ತಿಪಣಾವಿಶಿಂ ಶಿಕೊವ್ಣ್ ದಿಲಿ.ಉಪ್ರಾಂತ್ ಆರಾಧಾನ್ ಚಲವ್ನ್ ವೆಲೆಂ ಅನಿ ಸಾಕ್ರಾಮೆಂತಾಚೆಂ ಬೆಸಾಂವ್ ದಿಲೆಂ. ಅಕ್ರೇಕ್ ರೊಜಾರಿ ಮಾಯೆಕ್ ಗೀತ್ ಗಾವ್ನ್ ಭಕ್ತಿಪಣ್ ಸಂಪಯ್ಲೆಂ.

ರೊಜಾರಿ ಸಬ್ದಾಚೊ ಆರ್ಥ್, ತೆರ್ಸಾಚೆಂ ಭಕ್ತಿಪಣ್ ಕಶೆಂ ಉಬ್ಜಾಲೆಂ, ತೆರ್ಸಾಚ್ಯಾ ಭಕ್ತಿಪಣಾವಿಶಿಂ ಸಭಾರ್ ಪಾಪ್ ಸಾಯ್ಬಾಂಚಿ ಅಭಿಪ್ರಾಯ್, ತೆರ್ಸಾಚೆಂ ಭಕ್ತಿಪಣ್ ಕ್ರೀಸ್ತ್ ಕೇಂದ್ರಿತ್ ಮಾಗ್ಣೆಂ.ಆನಿ ಸಯ್ತಾನಾ ವಿರೋದ್ ಝುಜ್ಚೆಂ ಏಕ್ ಹಾತೆರ್, ಜೆಜುಚ್ಯಾ ಸಗ್ಳ್ಯಾ ಜಿವಿತಾಚೆಂ ಝಳಕ್ ಹ್ಯಾ 20 ಮಿಸ್ತೆರಾಂನಿ ಅಟಾಪುನ್ ಆಸಾ ಮಳ್ಳಿ ಸಮ್ಜೊಣಿ ಲಾಬ್ಲಿ.

ತೆರ್ಸಾಚೆಂ ಭಕ್ತಿಪಣ್ ಕುಟ್ಮಾಚೆಂ ಭಕ್ತಿಪಣ್, ಜೆಂ ಕುಟಾಮ್ ತೆರ್ಸಾಂತ್ ಸಾಂಗಾತಾ ಮೆಳ್ತಾ ತೆಂ ಕುಟಾಮ್ ಬಾಳ್ತಾ. ತೆರ್ಸಾಚೆಂ ಭಕ್ತಿಪಣ್ ಆಧಾರುನ್ ಸೊಮ್ಯಾಕ್ ಚಡ್ ಮೊಗಾಚಿಂ ಜಾಂವ್ಚೆ ದಿಶೆನ್ ಸರಿಸುಮಾರ್ 325 ಭಕ್ತಿಕಾಂನಿ ಪ್ರೇರಣ್ ಜೊಡ್ಲೆಂ.