ಲಾನ್ ಕ್ರಿಸ್ತಾಂವ್ ಸಮುದಾಯ್ ತರ್ಭೆತಿ

ವರ್ಧಿ : ಎ. ರೊನಾಲ್ಡ್ ಸೆರಾವೊ
ತಸ್ವಿರ್ : ವಿಯಾನ್ ಡಿ ಸೋಜಾ

ತಾ. 05.03.2023 ವೆರ್ ಆಯ್ತಾರಾ ಸಕಾಳಿಂಚ್ಯಾ ಮಿಸಾ ಉಪ್ರಾಂತ್, ಕಾಪಿ ಪಳಾರಾ ಸವೆಂ, ಲಾನ್ ಕ್ರಿಸ್ತಾಂವ್ ಸಮುದಾಯೆ ವಿಶಿಂ, ಪಿರ್ಗಜ್ ಸಭಾ ಸಾಲಾಂತ್ ಮಾಹೆತ್ ಶಿಬಿರ್ ಬೊ|ಮಾ|ಬಾ| ಒನಿಲ್ ಡಿ ಸೋಜಾ ಹಾಂಚ್ಯಾ ಅದ್ಯಕ್ಷ್ ಪಣಾಖಾಲ್ ಮಾಂಡುನ್ ಹಾಡ್ಲೆಂ. ಹ್ಯಾ ಮಾಹೆತ್ ಶಿಬಿರಾಕ್ ವಾಡ್ಯಾಂಚ್ಯಾ 10 ಜಣಾಂ ಸಮಿತಿ ಸಾಂದ್ಯಾಂ ಥಾವುನ್, 125 ಸಾಂದೆ ಹಾಜರ್ ಆಸ್ ಲ್ಲೆ. ಪವಿತ್ರ್ ಪುಸ್ತಕಾಕ್ ಮಾನ್ ಕರುನ್, ಸುರ್ವಿಲ್ಯಾ ಗೀತಾ ಸವೆಂ ಕಾರ್ಯೆಂ ಸುರ್ವಾತ್ ಕರುನ್, 7 ಮೆಟಾಂಚೆಂ ವಿಧಾನ್ ಚಲವ್ನ್ ವೆಲೆಂ.

ಉಪ್ರಾಂತ್ ಬೊ | ಮಾ | ಬಾ| ಒನಿಲ್ ಡಿ ಸೋಜಾ ಹಾಣಿ೦ ವಾಡ್ಯಾಂತ್ ಜಮಾತ್ ಚಲವ್ನ್ ವರ್ತಾಸ್ತಾನಾಂ, ಕಶೆಂ ಸರ್ವಾನಿಂ ಪಾತ್ರ್ ಘೆಂವ್ಚೆಂ ?  ಜಮಾತ್ ಕಶಿ ಚಲವ್ನ್ ವರ್ಚಿ ? ಮುಳ್ಳೆ ವಿಶಿಂ ವಿವರ್ ದಿಲೊ.

ಉಪ್ರಾಂತ್ ವಾಡ್ಯಾವಾರ್ ತಾಂಚ್ಯಾ ತಾಂಚ್ಯಾ ವಾಡ್ಯಾಂತ್ ಜಮಾತ್ ಬೊರ್ಯಾ ರೀತಿನ್ ಚಲಂವ್ಕ್ ಕಸಲಿ ಮಾಂಡಾವಳ್ ಕರ್ಯೆತಾ ಮುಳ್ಳೆ ವಿಶಿಂ ವಾಡ್ಯಾಂಚೊ ಪಂಗಡ್ ಕರುನ್, ವಿಚಾರ್ ವಿನಿಮಯ್ ಕೆಲೆ.

ನಿಮಾಣ್ಯಾ ಗೀತಾ ಸವೆಂ, ಲಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕಿ ಶ್ರೀಮತಿ ತೆರೆಜಾ ಕಾರ್ಡೊಜಾ ಹಾಂಚ್ಯಾ ಮುಖೇಲ್ಪಣಾಖಾಲ್, ಮಾನೇಸ್ತ್ ಆಲ್ಡ್ರಿನ್ ಪೆರ್ನಾಂಡಿಸ್ ಹಾಣೆಂ ಕಾರ್ಯೆಂ ನಿರ್ವಹಣ್ ಕೆಲೆಂ. ಮಾನೇಸ್ತ್ ಕ್ಲಿಪರ್ಡ್ ಡಿ ಕೋಸ್ತಾನ್ ದನ್ಯವಾದ್ ಪಾಟವ್ನ್ ಕಾರ್ಯಕ್ರಮ್ ಸಂಪಯ್ಲೆಂ.