ಸೆರಾಕೇರ್ ವ್ಯಾಯಾಮಾ ಥೆರಫಿ ಆನಿ ನೈಸರ್ಗಿಕ ಚಿಕಿತ್ಸೆ

ಸೀನಿಯರ್ ಸಿಟಿಜನ್ಸ್ ಕ್ಲಬ್ -ಕೊರ್ಪುಸ್ ಕ್ರಿಸ್ತಿ ಚರ್ಚ್ ಮೂಡಬಿದ್ರಿ - ಜುಲಾಯ್ 2 ತಾರ್ಕೆರ್ ಆಯ್ತಾರಾ 9.00 ವರಾಂ ಥಾವ್ನ್ ಥಾವ್ನ್ 2.00 ವರಾಂ ಪರ್ಯಾಂತ್ ಕೊರ್ಪುಸ್ ಕ್ರಿಸ್ತಿ ಇಗರ್ಜೆಚ್ಯಾ ಮೈನ್ ಹೊಲಾಂತ್ "ಸೆರಾ ಕೆರ್- ಕಾರ್ಕಳ" ಹಾಂಚೆ ಥಾವ್ನ್ ಭಲಾಯ್ಕೆ ಶಿಬಿರ್ ಚಲವ್ನ್ ವೆಲೆಂ

ಶಿಬಿರಾಕ್ 105 ಜಣಾಂನಿ ಪಾತ್ರ್ ಘೆತ್ಲೊ. ಫಿರ್ಗಜ್ ವಿಗಾರ್ ಬೊ|ಮಾ| ಬಾಪ್ ಒನಿಲ್ ಡಿಸೋಜಾ, ಫಿರ್ಗಜ್ ಪಾಲನಾ ಮಂಡಳಿ ಉಪಾಧ್ಯಕ್ಷ್ ಶ್ರಿಮಾನ್ ವಿನ್ಸೆಂಟ್ ಡಿಸೋಜಾ, ಕಾರ್ಯದರ್ಶಿ ಶ್ರಿಮಾನ್ ನೊರ್ಬರ್ಟ್ ಮಾರ್ಟಿಸ್, ಸೀನಿಯರ್ ಸಿಟಿಜನ್ಸ್ ಕ್ಲಬ್ ಅಧ್ಯಕ್ಷ್ ಶ್ರೀಮಾನ್ ಜೋನ್ ಮಿನೆಜಸ್, ಕಾರ್ಯದರ್ಶಿ ಶ್ರೀಮತಿ ಗ್ರೆಸಿ ಲಾಸ್ರಾದೊನ್ ವೇದಿ ಕಾರ್ಯೆಂ ಸೊಬಯ್ಲೆಂ. ಶ್ರೀಮತಿ ಲೀನಾ ಪಿಂಟೊನ್ ಕಾರ್ಯೆಂ ನಿರ್ವಾಹಣ್ ಕೆಲೆಂ. ಮಾಗ್ಣ್ಯಾ ಗಿತಾಂ ಉಪ್ರಾಂತ್ ಜೋನ್ ಮಿನೆಜಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ವಿಗಾರಾನ್ ಕಾರ್ಯಾಕ್ ಬೊರೆಂ ಮಾಗೊನ್ ತಾಂಚೊ ಸಂದೇಶ್ ದಿಲೊ. ಗ್ರೆಸಿ ಲಾಸ್ರಾದೊನ್ ಧನ್ಯವಾದ್ ಪಾಠಯ್ಲೆ.

ಉಪ್ರಾಂತ್ ಸೆರಾಕೇರ್ ಮೆನೆಜರ್ ಶ್ರೀಮತಿ ಸ್ವಾತಿ ಪ್ರಭುನ್ ಸೆರಾಕೆರಾಚ್ಯಾ ಸರ್ವ್ ಥರಾಂಚ್ಯಾ ಥೆರಪಿ ವಿಶಾಂತ್ ಮಾಹೆತ್ ದಿಲಿ. ಹ್ಯಾ ನಂತರ್ ಸರ್ವಾಂಕ್ ತಾಂಚ್ಯಾ ಸರ್ತೆ ಪರ್ಮಾಣೆ ಸರ್ವ್ ಪಿಡೆ ವಿಶಾಂತ್ ಮಾಹೆತ್ ಆನಿ ಥೆರಪಿ ದಿಲಿ. ಹಾಜರ್ ಜಾಲ್ಲ್ಯಾ ಸರ್ವಾಂನಿ ತಾಂಚ್ಯಾ ಪಿಡೆಕ್ ಥೆರಪಿ ಕಾಣ್ಘೆಲಿ. ಮಾಲ್ಘಡ್ಯಾಂಕ್ ಹೆಂ ಕಾರ್ಯೆಂ ಚಡ್ ಉಪ್ಕಾರಾಚೆಂ ಜಾಲೆಂ. ಕಾರ್ಯೆಂ ಉಂಚ್ಲ್ಯಾ ರೀತಿನ್ ಚಲೊನ್ ವರುಂಕ್ ಕುಮಕ್ ಕೆಲ್ಲ್ಯಾ ಆನಿ ಸಹಕರ್ಸಿಲ್ಲ್ಯಾ ಸರ್ವಾಂಕ್ ಆಮಿ ಅಭಾರಿ ಜಾವ್ನಾಸಾಂವ್.