ಡ್ರಗ್ಸ್ ವಿರೋಧ್ ಮಾಹೆತ್ ಶಿಬಿರ್

ತಸ್ವೀರ್ ಆನಿಂ ವರ್ಧಿ : ಎ. ರೊನಾಲ್ಡ್ ಸೆರಾವೊ

ಸೆವಾ ಆಯೋಗ್ ಪಂಗಡ್ ಆನಿಂ ಕಥೊಲಿಕ್ ಸಭಾ ಘಟಕ್, ಮೂಡಬಿದ್ರಿ ಸಂಘಟನಾಖಾಲ್, ಪಿರ್ಗಜ್ ಸಭಾ ಸಾಲಾಂತ್, ತಾ. 1.10.2023 ವೆರ್ ಸಕಾಳಿಂಚ್ಯಾ 9.15 ವರಾರ್ ಕಾಪಿ ಪಳ್ಹಾರಾ ಸವೆಂ, "ಡ್ರಗ್ಸ್ ವಿರೋಧ್ ಮಾಹೆತ್ ಶಿಬಿರ್ " ಪಿರ್ಗಜ್ ವಿಗಾರ್ ಬೊ| ಮಾ| ಬಾ| ಒನಿಲ್ ಡಿ ಸೋಜಾ ಹಾಂಚ್ಯಾ ಅದ್ಯಕ್ಷ್ಪಣಾಖಾಲ್ ಮಾಂಡುನ್ ಹಾಡ್ಲೆಂ. ಹ್ಯಾ ಕಾರ್ಯಕ್ರಮಾಕ್ ಸುಮಾರ್ 125 ವಡಿಲಾಂ ಹಾಜರ್ ಆಸ್ ಲ್ಲಿಂ.

ಮಾನೇಸ್ತಿಣ್ ಸಿಂತಿಯಾ ಡಿ ಸೋಜಾ ಹಾಣೆಂ ಪ್ರಸ್ತಾವಿಕ್ ಉತ್ರಾನಿಂ ಕಾರ್ಯಕ್ರಮಾಚೊ ಉದ್ದೇಶ್ ತಿಳ್ಸಿಲೊ. ಮಾನೇಸ್ತ್ ಚಾರ್ಲ್ಸ್ ಪೆರ್ನಾಂಡಿಸ್ ಹಾಣೆಂ ಸರ್ವಾಂಕ್ ಸ್ವಾಗತ್ ಮಾಗ್ಲೊ. ಕಾರ್ಯಕ್ರಮಾಚೆ ಸಂಪನ್ಮೂಳ್ ವ್ಯಕ್ತಿ ಮಾನೇಸ್ತೀಣ್ ಲೀಡಿಯಾ ಲೋಬೊ, ಆಡಳ್ತೆದಾರ್ Link D Ediction centre, Bajal, Manglore , ಪಿರ್ಗಜ್ ಉಪಾದ್ಯಕ್ಷ್ ಮಾನೇಸ್ತ್ ವಿನ್ಸೆಂಟ್ ಡಿ ಸೋಜಾ, ಕಾರ್ಯದರ್ಶಿ ಮಾನೇಸ್ತ್ ನೋರ್ಬರ್ಟ್ ಮಾರ್ಟಿಸ್, ಸೆವಾ ಆಯೋಗ್ ಪಂಗಡ್ ಸಂಚಾಲಕ್ ಮಾನೇಸ್ತ್ ಚಾರ್ಲ್ಸ್ ಪೆರ್ನಾಂಡಿಸ್, ಕಥೊಲಿಕ್ ಸಭಾ ಘಟಕ್ ಮೂಡಬಿದ್ರಿ ಅದ್ಯಕ್ಷ್ ಮಾನೇಸ್ತ್ ಹೆರಿ ರೇಗೊ ವೇದಿರ್ ಹಾಜರ್ ಆಸ್ ಲ್ಲೆ.

ಮಾನೇಸ್ತ್ ಇಮ್ಮಾನುವೆಲ್ ಮೋನಿಸ್ ಹಾಣೆಂ, ಮಾನೇಸ್ತೀಣ್ ಲೀಡಿಯಾ ಲೋಬೊ ಹಾಂಚಿ ವ್ಯಕ್ತಿ ಪರಿಚಯ್ ಕರುನ್ ದಿಲಿ.

ಉಪ್ರಾಂತ್ ಮಾನಾಚ್ಯಾ ಸಯ್ರ್ಯಾನಿಂ ಮಾಹೆತ್ ಶಿಬಿರ್ ಚಲವ್ನ್ ವರ್ಚ್ಯಾಕ್ ವೇದಿ ಸೊಡುನ್ ದಿಲಿ. ಹ್ಯಾ ಸಂದರ್ಭಾರ್ ಭುರ್ಗಿಂ ತಾಂಕಾಂ ಕಳಿತ್ ನಾಸ್ತಾನಾಂ ಕಶೆಂ ಡ್ರಗ್ಸ್ ಸೇವನ್ ಕರ್ತಾತ್ ? ಕಸಲಿಂ ಸಗ್ಳಿಂ ಡ್ರಗ್ಸ್ ಸೇವನ್ ಕರ್ತಾತ್ ? ಉಪ್ರಾಂತ್ ತಾಂಚಿ ಪರಿಸ್ಥಿತಿ ತಾಂಚ್ಯಾ ಮುಕ್ಲ್ಯಾ ಜೀವಿತಾಚೆರ್ ತಶೆಂಚ್ ಪುಡಾರಾಚೆರ್ ಕಶಿ ರಾವ್ತಾ ? ಮುಳ್ಳೆ ವಿಶಿಂ ಮಾಹೆತ್ ದಿವುನ್ ಪ್ರಸ್ತುತ್ ಹ್ಯಾ ದಿಸಾನಿಂ ಜಾಲೆಲ್ಯಾ ಥೊಡಿಂ ಘಡಿತಾಂ ಅನಿಂ ದುಷ್ಪರಿಣಾಮಾ ವಿಶಿಂ ತಿಳ್ಸೊಣಿ ದಿಲಿ. ಅಸಲ್ಯಾ ಸಂದರ್ಭಾರ್ ಆವಯ್ ಬಾಪಾಂಯ್ಚಿ ಜವಾಬ್ದಾರಿ ಕಿತೆಂ ಆಸಾ ಮುಣ್ ಸವಿಸ್ತಾರ್ ಮಾಹೆತ್ ದಿಲಿ. ಸಾಂದ್ಯಾಂ ಥಾವ್ನ್ ಆಯಿಲ್ಲ್ಯಾ ಸವಾಲಾಂಕ್ ಜೊಕ್ತ್ಯೊ ಜಾಪಿ ದಿವುನ್, ಮಾನೇಸ್ತೀಣ್ ಪ್ರೀಮಾ ಲಸ್ರಾದೊ ಹಾಣೆಂ, ಸರ್ವಾಂಕ್ ದನ್ಯವಾದ್ ಅರ್ಪಣ್ ಕರುನ್, ನಿಮಾಣ್ಯಾ ಗೀತಾ ಬರಾಬರ್ ಕಾರ್ಯೆಂ ಸಂಪಯ್ಲೆಂ.