ನಿತ್ಯಾಧಾರ್ ಮಾಂಯ್ ವಾಡ್ಯಾ ಫೆಸ್ತಾಚೆಂ ಆಚರಣ್

ತಾರೀಕ್ : 06-7-2025 ವೆರ್ ಆಯ್ತಾರಾ ದಿಸಾ ನಿತ್ಯಾಧಾರ್ ಮಾಂಯ್ ವಾಡ್ಯಾ ಫೆಸ್ತಾ ಸಂದರ್ಭಿo ,ವಾಡ್ಯಾಗಾರಾoನಿ ಫೆಸ್ತಾಚ್ಯಾ ಪೈಲ್ಯಾ ಆಯ್ತಾರಾ ( 29/6/2025 ) ಲಿತುರ್ಜಿ ಚಲವ್ನ್ ವರುನ್ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆ. ಉಪ್ರಾಂತ್ಲ್ಯಾ ಆಯ್ತಾರಾ ಫೆಸ್ತಾಚೆಂ ಕಾರ್ಯಕ್ರಮ್ ಹ್ಯೆ ಪರಿಂ ಚಲೊವ್ನ್ ವೆಲೆಂ. ಮಾನೆಸ್ತಿನ್ ಆಗ್ನೇಸ್ ಡಿಸೋಜ ಹಿಚ್ಯಾ ಘರಾ, ದನ್ಪಾರಾಂ 12 ವೊರಾರ್ ಆರಂಭ್ ಜಾಲೆಂ. ಹ್ಯಾ ಫೆಸ್ತಾಕ್ ಮಾನಾಚೆ ಸಯ್ರೆ ಜಾವ್ನ್ ಫಿರ್ಗಜ್ ವಿಗಾರ್ ಬೊ| ಮಾ |ಬಾ | ಒನಿಲ್ ಡಿಸೋಜಾ, ಫಿ. ಗೊ. ಪ. ಉ. ಮಾನೆಸ್ತ್ ವಿನ್ಸೆಂಟ್ ಡಿಸೋಜ, ಕಾರ್ಯದರ್ಶಿ ನೊರ್ಬಟ್ ಮಾರ್ಟಿಸ್, ಲ್ಹಾನ್ ಕ್ರಿಸ್ತಾoವ್ ಸಮುದಾಯ್ ಸಂಚಾಲಾಕಿ ಮಾನೆಸ್ತಿಣ್ ತೆರೆಜಾ ಕಾರ್ಡೋಜಾ, ವಾಡ್ಯಾoಚೆ ಗುರ್ಕಾರ್ / ರ್ನಿ ಹಾಜರ್ ಆಸೊನ್ , ವಾಡ್ಯಾ ಫೆಸ್ತಾಕ್ ವರ್ತಿ ಸೊಬಾಯ್ ದಿಲಿ.

ಸುರ್ವೆರ್ ಮಾನೆಸ್ತಿನ್ ಆಗ್ನೇಸ್ ಡಿಸೋಜ ಹಿಣೆ ಪವಿತ್ರ್ - ಪುಸ್ತಕ್ ದಿವೊ ಘೆತ್ಲೆಲ್ಯಾ ಭುರ್ಗ್ಯಾ ಸವೆಂ, ಸೊಭೈಲ್ಯಾ ವೆದಿರ್ ಗೌರವಾನ್ ದವರ್ಲೊ. ಉಪ್ರಾಂತ್ ಫಿರ್ಗಜ್ ವಿಗಾರಾನ್ ಪುಲಾಂ ಝೆಲೊ ಅರ್ಪುನ್ , ಹಾಜರ್ ಆಸ್ಲೆಲ್ಯಾ ಸರ್ವಾಂನಿ ಪುಲಾಂ ಅರ್ಪುನ್ ಪವಿತ್ರ್ ಪುಸ್ತಕಾಕ್ ಸೊಮ್ಯಾ ತುಜೆ ಉತರ್ ಹ್ಯಾಂ ಗೀತಾದ್ವಾರಿ ಮಾನ್ ಕೆಲೊ. ಉಪ್ರಾಂತ್ ಮಾನೆಸ್ತಿನ್ ವೀಣಾ ಕ್ರಾಸ್ತಾನ್ ಮಾಗ್ಣ್ಯಾವಿಧಿ ಚಲವ್ನ್ ವೆಲಿ. ಭುರ್ಗ್ಯಾಂಚ್ಯಾ ಮಾಗ್ಣನಾಚಾದ್ವಾರಿ ನಿತ್ಯಾಧಾರಾ ಮಾಯೆಕ್ ಹೊಗ್ಳಾಪ್ ಪಾಟಯ್ಲೆ. ಸರ್ವಾಂಕ್ ವಾಡ್ಯಾಚೊ ಗುರ್ಕಾರ್ ಮಾನೆಸ್ತ್ ರಾಜೇಶ್ ನಜ್ರೆತ್ ಹಾಣೆ ಸ್ವಾಗತ್ ಕರುನ್, ಕಾರ್ಯದರ್ಶಿನ್ ವಾಡ್ಯಾಚಿ ಸಂಕ್ಷಿಪ್ತ್ ವಾರ್ಷಿಕ್ ವರ್ದಿ ಸಭೆಕ್ ದವರ್ಲಿ. ಜಮಾತೆರ್ ಮಹಿನ್ಯಾವಾರ್ ಚಲವ್ನ್ ವೆಲ್ಯಾ ಖೆಳಾಂತ್ ಜಿಕ್ಲೆಲ್ಯಾಂಕ್ ಬಹುಮಾನ್ ಉಪಾಧ್ಯಕ್ಷ್ ಮಾನೆಸ್ತ್ ವಿನ್ಸೆಂಟ್ ಡಿಸೋಜಾನ್ ದಿವುನ್ ಸರ್ವ್ ವಾಡ್ಯಾಗಾರಾಂಕ್ 

ಬೊರೆಂ ಮಾಗ್ಲೆ. ಫಿರ್ಗಜ್ ವಿಗಾರ್ ಬೊ| ಮಾ |ಬಾ | ಒನಿಲ್ ಡಿಸೋಜಾ ಹಾಣಿಂ ವಿಶೇಷ್ ಸಾಧನ್ ಕೆಲ್ಲ್ಯಾ ಭುರ್ಗ್ಯಾಂಕ್ ಮಾನ್ ಕೆಲೊ. ವಿಗಾರ್ ಬಾಪಾoನಿ ನಿತ್ಯಾಧಾರ್ ಮಾಯೆ ವಿಶ್ಯಾoತ್ ಥೊಡಿ ಮಾಹೆತ್ ದಿಲಿ. ವಾಡ್ಯಾಂತ್ ಕೆಲ್ಲ್ಯಾ ಬೊರ್ಯಾ ಕಾಮಾಂಕ್ಶಾಬಾಸ್ಕಿ ಪಾಟೈಲಿಂ.

ಉಪ್ರಾಂತ್ ಸಾಂಸ್ಕೃತಿಕ್ ಕಾರ್ಯಾ ಕ್ರಮ್ ಚಲೊವ್ನ್ ವೆಲೆಂ. ಉಪ್ರಾಂತ ಕುಮಾರಿ ವಿಯೋಲ ಲಸ್ರಾದೊನ್ ಖೆಳ್ ಚಲೊವ್ನ್ ವೆಲೊ. ಲ್ಹಾನ್ ಕ್ರಿಸ್ತಾoವ್ ಸಮುದಾಯ್ ಸಂಚಾಲಾಕಿ ಮಾನೆಸ್ತಿಣ್ ತೆರೆಜಾ ಕಾರ್ಡೋಜಾನ್ ಫೆಸ್ತಾಚ್ಯಾ ಖೆಳಾಂತ್ ಜಿಕ್ಲೆಲ್ಯಾಂಕ್ ಬಹುಮಾನಾಂ ದಿಲಿ. ಮಾನೆಸ್ತಿನ್ ಸಿಂತಿಯಾ ಮಿರಾಂದಾ ಹಿಣೆ ಸರ್ವಾಂಕ್ ಧನ್ಯವಾದ್ ಪಾಟೈಲೆಂ. ವಿಗಾರ್ ಬಾಪಾoನಿ ಜೆವ್ಣಾಂಚೆರ್ ಆಶೀರ್ವಾದಾಂ ಮಾಗ್ಲೆಂ. ಜೆವ್ಣಾ ಸವೆo ವಾಡ್ಯಾ ಫೆಸ್ತಾಚೊ ಸಂಭ್ರಮ್ ಸಂಪಯ್ಲೆ. ವಾಡ್ಯಾಚ್ಯಾ ಭುರ್ಗ್ಯಾನಿಂ ಕುಮಾರಿ ವಿನಿಶಾ ಆನಿ ರಿತೇಶ್ ಮಸ್ಕರೇನ್ಹಸ್ ಹಾಣಿ ಕಾರ್ಯೆ ಚಲವ್ನ್ ವೆಲೆ.