ಕಾರ್ಮೆಲ್ ವಾಡ್ಯಾಚಿ ಫೆಸ್ತಾಚಿ ವರ್ಧಿ

News Report and PC:Mr Avish Saldhanha

ಕಾರ್ಮೆಲ್  ವಾಡ್ಯಾoತ್  ಕಾರ್ಮೆಲ್  ಸಾಯ್ಭಿಣಿಚೆಂ  ಫೆಸ್ತ್ ಜುಲೈ 20 ತಾರೀಕೆರ್ ಕಾರ್ಮೆಲ್  ಕೊಂನ್ವೆಂಟಾಚ್ಯಾ ಹೋಲಾಂತ್  ಚಲ್ಲೆo. ಫೆಸ್ತಾಚಿ   ಲಿತುರ್ಜಿ ವಾಡ್ಯಾಗಾರಾನಿಂ ಚಲವ್ನ್  ವೆಲಿ. ದನ್ಪಾರಾಂ  12.15 ವೊರಾರ್  ವಾಡ್ಯಾ  ಫೆಸ್ತಾಚೆಂ ಕಾರ್ಯಾಕ್ರಮ್  ಆರಂಭ್ ಕೆಲೆo. ಸುರ್ವೆರ್ ಮಾಗ್ಣ್ಯಾ ವಿಧಿ ಆನಿಂ ಬೈಬಲ್ ಹಾಡ್ಚ್ಯಾ ಮುಖಾಂತ್ರ್  ಆನಿಂ ಮುರಿಯೆ ಮಾಯೆಕ್ ಮಾನ್  ಕರ್ನ್  ಕಾರ್ಮೆಲ್ ಮಾಯೆಚ್ಯಾ ಲದಿನೆ ಸoಗಿ ಅಕೇರ್  ಕೆಲಿ.  ಹ್ಯಾ ಕಾರ್ಯಕ್ರಮಾಕ್ ಆಮ್ಚೆ ವಿಗಾರ್ ಭೋವ್ ಮಾನಾಧೀಕ್  ಬಾಪ್ ಒನಿಲ್ ಡಿಸೋಜ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್  ಶ್ರೀ ವಿನ್ಸೆoಟ್ ಡಿಸೋಜ, ಕಾರ್ಯದರ್ಶಿ  ಶ್ರೀ ನೋರ್ಬಟ್ ಮಾರ್ಟಿಸ್,   ಕಾರ್ಮೆಲ್ ಕೊವೆಂತಾಚಿ ಸಿ. ರನಿತಾ, ಮೊರ್ನಿಂಗ್ ಸ್ಟಾರ್ ಕೊವೆಂತಾಚಿ ಸಿ. ರೋಜಿ ಆನಿಂ ಆಮ್ಚ್ಯಾ ವಾಡ್ಯಾಚೆ ಗುರ್ಕಾರ್,  ಪ್ರತಿನಿಧಿ ಆನಿಂ ಸರ್ವ್ ಹುದ್ದೆದಾರಾಂ, ವಾಡ್ಯಾಗಾರಾಂ ಆನಿಂ ಹೆರ್ ವಾಡ್ಯಾಚೆ ಗುರ್ಕಾರ್ ಹಾಜರ್  ಅಸ್ ಲ್ಲೆ.

ಹಾಜರ್ ಅಸ್ ಲ್ಲ್ಯಾ  ಸರ್ವಾಂಕ್ ಗುರ್ಕಾರ್  ಶ್ರೀ ಅವಿಶ್ ಸಾಲ್ದಾನ್ಹ  ಹಾಣಿo ಸ್ವಾಗತ್ ಕೆಲೊ.   ಶ್ರೀಮತಿ ವೈಲೆಟ್ ಮಸ್ಕರೆನ್ಹಸ್ ಹಿಣೆo ವಾರ್ಷಿಕ್ ವರ್ಧಿ ಪ್ರಸ್ತುತ್ ಕೆಲಿ. ಧಾವಿ  ತಶೆಂಸ್  ಪಿ.ಯು.ಸಿ  ತ್   ಗರಿಷ್ಟ್ ಅಂಕ್ ಜೊಡುಲ್ಲ್ಯಾoಕ್  ಇನಾಮ್ ದೀವ್ನ್ ಉಲ್ಲಾಸಿಲೆo ಭಾಷಣ್ ಸ್ಪರ್ಧ್ಯಾoತ್ ವಿಜೇತ್ ಜಾಲ್ಲ್ಯಾ oಕ್, ಲಿಟಲ್ ಸಾಂತಾ ಡೀನರಿ ಲೆವೆಲಾoತ್ ವಿಜೇತ್ ಜಾಲ್ಲ್ಯಾoಕ್,  ರಾಷ್ಟ್ರೀಯ್ ಆನಿo ಅಂತರರಾಷ್ಟ್ರೀಯ್ ಮಟ್ಟಾರ್ ಸಾಧನ್ ಕೆಲ್ಲ್ಯಾoಕ್ ತಶೆoಸ್ ವಾಡ್ಯಾ ಜಮಾತೆಕ್ ಯೆoವ್ಚ್ಯಾ ಭುರ್ಗ್ಯಾಂಕ್ ಇನಾಮ್ ದೀವ್ನ್ ಉಲ್ಲಾಸಿಲೆ. ಉಪ್ರಾಂತ್ ಆಮ್ಚೆ ವಿಗಾರ್ ಭೋವ್  ಮಾನಾಧೀಕ್  ಬಾಪ್ ಒನಿಲ್ ಡಿಸೋಜ ಹಾಣಿo ಫೆಸ್ತಾ ತರ್ಫೆನ್ ಸಂದೇಶ್ ದೀವ್ನ್ ಸರ್ವಾoಕ್ ಫೆಸ್ತಾಚೆ ಶುಭಾಶಯ್ ಪಾಠಯ್ಲೊ.

ಆಮ್ಚ್ಯಾ ಕಾರ್ಯಾಕ್ ಸಹಕಾರ್ ದಿಲ್ಲ್ಯಾ ಸರ್ವ್ ದಾನಿಂಕ್  ಗುಲೊಬ್ ದೀವ್ನ್ ಮಾನ್ ಕೆಲೊ. ಹ್ಯಾ ಕಾರ್ಯಾಕ್ ಹಾಜರ್ ಅಸ್ ಲ್ಲ್ಯಾ ಸರ್ವಾಂಕ್ ತಶೆಂಸ್ ಕುಮೊಕ್ ಕೆಲ್ಲ್ಯಾoಕ್ ಶ್ರೀಮತಿ ವೀಣಾ ಮಾಸ್ಕರೇನಸ್ ಹಿಣೆo ಧನ್ಯವಾದ್ ಪಾಠಯ್ಲೊ. ಉಪ್ರಾಂತ್  ಸಾoಸ್ಕ್ರತಿಕ್ ಕಾರ್ಯೆo ಚಲವ್ನ್  ವೆಲೆo. ಕಾರ್ಯನಿರ್ವಾಹಕಿ ಜಾವ್ನ್ ಶ್ರೀಮತಿ ಜೋಯ್ಲಿನ್ ಮಿಸ್ಕಿತ್ ಕಲ್ಚರಲ್ ಕಾರ್ಯನಿರ್ವಾಹಕಿ ಜಾವ್ನ್ ಮನಿಷಾ ಸಲ್ದಾನ್ಹಾ ಹಾಣಿ o ಫೆಸ್ತಾಚೆಂ  ಕಾರ್ಯೆo ಭೋವ್ ಅಪುರ್ಬಾಯೆನ್  ಚಲೊವ್ನ್  ವೆಲೆo. ಸಿ. ರೋಜಿ ಹಿಣೆo ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೊ. ಸರ್ವಾನಿo ರುಚಿಕ್ ಜೆವಾಣ್ ಸೆವ್ಲೆo. ಫೆಸ್ತಾಚೆಂ ಕಾರ್ಯೆo ಯಶಸ್ವಿ  ರಿತಿನ್ ಚಲೊoವ್ಕ್ ಸಹಕಾರ್ ದಿಲ್ಲ್ಯಾ ತಶೆಂಸ್ ಭಾಗ್ ಘೆತ್ ಲ್ಲ್ಯಾ ಸರ್ವಾoಕ್  ದೇವ್ ಬೊರೆಂ ಕರುo.